bLAN Super

Dette er eit unikt tilbod for dei yngste, der dei som går i 5.-7. klasse på barneskulen kan ta med seg datamaskin eller konsoll og vere med på bLAN til bestemte tider av døgnet. På denne måten får dei ein solid smakebit av festivalen, samtidig som nye deltakarar får ein mjuk start.

Deltakarane vil få tilgong til mange av dei same aktivitetstilboda som dei eldre deltakarane, som for eksempel bordtennis, biljard, Playstation, VR med meir. Som ein del av billetten stiller vi òg opp med ein enkel lunsj kvar av dagane. Dersom meir mat er ønskjeleg kan ein ta med niste eller handle i kiosken i 1. etasje.

Tilbodet har fått svært gode tilbakemeldingar tidligare, og vi gler oss til å vidareføre suksessen. Vi håpar å sjå så mange som mogeleg - dette blir SUPERkjekt for alle!

Opningstider for bLAN 2024 Haust:

Fredag:   18-21

Laurdag: 11-21

Søndag:  11-21

Her er ei hugseliste for deltakarar på bLAN Super:

• konsoll og/eller data, med tilbehør

• nettverkskabel (med god lengde!)  

• straumforgreinar (padde)

• ein god og varm genser kan vere greit å ha!

• eventuelt litt pengar til kiosk

• niste

• godt humør!